گرینڈ امام شیخ الازہر پروفیسر ڈاکٹر احمد الطیب نے تصدیق کی کہ الازہر کا منهج تنوع، تعدد اور دوسرے کے احترام پر مبنی ہے، اور مذاہب کے پیروکاروں کے درمیان مکالمہ الازہر کے لئے کوئی نئی بات نہیں ہے۔ کیونکہ الازہر کا پیغام مکالمے کی سوچ  پر مبنی ہے، چاہے وہ اسلامی فرقوں اور ان میں سے کچھ کے پیروکاروں کے درمیان مکالمہ ہو، یا اسلام کے پیروکاروں اور دیگر عقائد کے درمیان، اور اسلام کی تعلیمات امن کو سب کا حق قرار دیتی  ہیں۔ انہوں نے مزید کہا کہ الازہر نے مذاہب کے پیروکاروں کے درمیان مکالمے کے میدان میں غور و خوض کے ساتھ  کوششیں کی ہیں، اور یہ کہ وہ کسی بھی ایسے تعاون کا خیرمقدم کرتا ہے جو عالمی امن، مذہبی رواداری اور دوسرے کی قبولیت کا باعث ہو۔ شیخ الازہر نے قاہرہ میں سوئس سفیر مسٹر پال گارنیئر سے ملاقات کے دوران واضح کیا کہ مذہب انسانی روح کو انحرافات سے نکال کر اسے نیکی اور رواداری کے اصولوں پر استوار کرنے کے لیے آیا ہے۔ اور یہ کہ الازہر نے مکالمے کے میدان میں اہم قدم اٹھایا اور مسلمانوں اور عیسائیوں کے درمیان مکالمے کے لیے مصر میں مصری خاندانی ہاوس قائم کیا۔ پھر مسلم کونسل آف ایلڈرز قائم کی، جو مسلم اسکالرز کے مابین مسائل پر تبادلہ خیال اور اس کے حل کے لئے مکالمے کے خیال پر مبنی ہے۔ اور اس سے الازہر ورلڈ کونسل آف چرچز، چرچ آف کینٹربری اور ویٹیکن گیا جس کے نتیجے میں ایک انسانی بھائی چارہ دستاویز وجود میں آئی ، جو آج چراغ اور دوسرے کو  قبولیت کرنے کی علامت  ہے۔ اس نے عصری عالمی مسائل کا کامیاب حل بھی فراہم کیا ہے۔ دوسری جانب، سوئس سفیر نے کہا کہ وہ مذاہب کے پیروکاروں کے درمیان بات چیت کے میدان میں دلچسپی رکھتے ہیں کیونکہ سوئٹزرلینڈ میں اس معاملے کی اہمیت ہے اور انہوں نے سوئٹزرلینڈ میں یونیورسٹی آف فریبرگ میں “اسلام اور سوسائٹی “مرکز قائم کیا ہے، اور سوئٹزرلینڈ میں مکالمے کے لیے ایک کمیٹی ہے جو 15 سال سے کام کر رہی ہے اور مسلمانوں اور کمیونٹی کے دوسرے افراد کے درمیان  ڈائیلاگ کے فرائض سر انجام دے رہی ہے، انہوں نے الازہر کے ساتھ اچھے تعلقات قائم کرنے میں سوئٹزرلینڈ کی دلچسپی پر بھی زور دیا تاکہ اماموں کی ٹریننگ اور اسلام کے صحیح پیغام کو متعارف کرانے کے میدان میں اس کی کوششوں اور مہارت سے استفادہ کیا جا سکے۔ سفیر نے شیخ الازہر کو سوئس پادریوں کی طرف سے منعقدہ ڈائیلاگ کانفرنس میں شرکت کا دعوت نامہ بھی دیا۔