عزت مآب امام اکبر، ڈاکٹر/ احمد طیب ، شیخ الازہر ، نے ڈاکٹر رستم قاسموف کا استقبال کیا۔۔۔ امام اکبر اور ازبکستان کے صدر کے مشیر نے الازہر اور اسلامک اکیڈمی آف ازبکستان کے درمیان تعاون کے پروٹوکول پر دستخط کا مشاہدہ کیا۔ امام اکبر نے کہا کہ ازہر شریف کا ماننا ہے کہ تعلیم ہی قوموں کی نشاۃ ثانیہ اور ترقی کی بنیاد ہے۔ کیونکہ یہ انسان کی تعمیر کا بنیادی عنصر ہے جو علمی اور فکری طور پر معاشرے کی تعمیر اور اس کی نشاۃ ثانیہ میں حصہ لینے کی صلاحیت رکھتا ہے۔ انہوں نے واضح کیا کہ اسلامی علمی ورثہ جس پر الازہر کا نصاب بنایا گیا ہے، اس نے دنیا کے سامنے انسانیت کی سب سے بڑی تہذیب کو پیش کیا ، جو علم، آزادی رائے اور اختلاف کو قبول کرنے پر مبنی ہے۔ آپ نے مزید کہا کہ آج جس پروٹوکول پر دستخط کیے گئے ہیں وہ ازبکستان میں اسلامی اداروں کے ساتھ تعاون کو مستحکم کرنے کے لیے الازہر کی خواہش کے نتیجے میں وجود میں آئے  ہیں۔ انہوں نے وضاحت کی کہ ازبکستان اسلامی تہذیب کی علامات میں سے ایک ہے، کیونکہ اس نے بہت سے ائمہ اور علماء کو جنم دیا ہے جنہوں نے اسلامی ورثے کے تحفظ میں اہم کردار ادا کیا ہے۔ ازبکستان کے صدر کے مشیر نے الازہر کے لیے اپنے ملک کی زبردست تعریف اور امام اکبر کی کوششوں اور اس عظیم اسلامی عمارت کی اعتدال پسندی کو پھیلانے کے لیے ان کے عالمی اقدامات کو سراہا۔ انہوں نے ازبکستان کے مسلمانوں کی خدمت اور حقیقی اسلام کو پھیلانے کے لیے الازہر کی علمی اور دعوتی کوششوں سے فائدہ اٹھانے کے لیے اپنے ملک کی خواہش پر زور دیا۔ ملاقات کے اختتام پر، الازہر کے قائم مقام انڈر سیکرٹری شیخ صالح عباس اور ازبکستان کے مفتی شیخ عثمان خان علیموف نے الازہر اور ازبکستان کی انٹرنیشنل اسلامک اکیڈمی کے درمیان تعاون کے ایک پروٹوکول پر دستخط کیے۔ جس میں فریقین کے مابین علمی اور ثقافتی تعاون کے پہلوؤں کو مضبوط بنانے اور ائمہ اور مبلغین کی تربیت کے میدان میں ازہر شریف کے تجربات سے استفادہ کرنے اور ازبک طلباء کے لیے الازہر میں تعلیم حاصل کرنے کے لیے وظائف کی تعداد میں اضافہ کے مقصد پر  دستخط  کیے  گئے۔دورے کے اختتام پر ازبک وفد نے الازہر گلوبل سنٹر فار مانیٹرنگ اینڈ الیکٹرانک فتوی کا دورہ کیا۔  تاکہ انتہا پسندی کا مقابلہ کرنے ، انتہا پسند گروہوں کی طرف سے پھیلائے جانے والے شبہات اور نظریات کی تردید کرنے، اور اسلام کی سچائی اور اس کی رواداری کی تعلیمات کو واضح کرنے کے لیے وہ جو کردار ادا کر رہا  ہے اس کے بارے میں جانا جا سکے۔