شیخ الازہر نے متحدہ میڈیا سروسز کمپنی کے وفد سے کہا: ہم ایسے پروگرام تیار کرنے میں تعاون کے لیے تیار ہیں جو نوجوان نسل کو قرآن مجید سے جوڑنے میں مددگار ہوں۔

متحدہ کمپنی کے منیجنگ ڈائریکٹر: متحدہ کمپنی کی صلاحیتیں الازہر کے پیغام کو فروغ دینے، یعنی اعتدال اور میانہ روی کے پھیلاؤ کے لیے بروئے کار لائی گئی ہیں۔

عزت مآب امامِ اکبر، پروفیسر ڈاکٹر احمد طیب، شیخ الازہر شریف ، نے پیر کو مشیخۃ الازہر میں متحدہ میڈیا سروسز کمپنی کے وفد سے ملاقات کی، جس کی قیادت جناب طارق مخلوف، کمپنی کے منیجنگ ڈائریکٹر کر رہے تھے ،  ان کے ساتھ جناب احمد فائق، سربراہ پروگرام سیکٹر، انجینئر حسام صالح، چیف ایگزیکٹو برائے بزنس، اور محترمہ نشوى جاد، چیئرپرسن واچ اٹ پلیٹ فارم، بھی شامل تھے۔"

"امام اکبر نے کہا: ازہر شریف اپنی پوری تاریخ میں قرآن کریم اور عربی زبان کے علوم کے فروغ پر قائم رہا ہے، جس نے اسے ایک مضبوط علمی قلعہ بنا دیا ہے جہاں دنیا کے مختلف ممالک سے طلبہ آتے ہیں۔ انہوں نے کہا کہ ازہر قرآن کریم کی خدمت کے لیے ہر ممکن تعاون فراہم کرنے سے دریغ نہیں کرتا اور میڈیا پروگرام تیار کرنے میں تعاون کے لیے بھی تیار ہے، جو نوجوان نسل کو قرآن مجید سے جوڑنے میں مددگار ہوں۔ امام اکبر نے اس بات کی طرف اشارہ کیا کہ آج کے نوجوانوں کو ہر قسم کے چیلنجز سے آگاہ کرنے کی شدید ضرورت ہے، نیز وہ خطرات جو غیر معمولی اور بغاوتی خیالات ہماری ثقافت اور معاشرت پر ڈال سکتے ہیں، جو بعض اوقات آزادی رائے و اظہار کے نام پر فروغ پاتے ہیں۔ اس کے لیے نوجوانوں کو معتدل اور متوازن آگاہی فراہم کرنے والے میڈیا مواد کی ضرورت ہے، جو ان کے غلط تصورات کو درست کرے اور ان کے اندر میانہ روی اور اعتدال کے تصورات کو پروان چڑھائے۔"

اپنی جانب سے، جناب طارق مخلوف اور متحدہ کمپنی کے وفد نے شیخ الازہر سے ملاقات پر خوشی کا اظہار کیا اور ازہر شریف کی قرآن کریم کی خدمت اور میانہ روی و اعتدال کے فروغ کے لیے کی جانے والی عظیم کاوشوں کی تعریف کی۔ انہوں نے یقین دلایا کہ متحدہ کمپنی کی صلاحیتیں قرآن کریم کے علوم اور ازہر کے پیغام، جو میانہ روی اور اعتدال کے فروغ پر مبنی ہے، کو عام کرنے کے لیے بروئے کار لائی گئی ہیں۔ نیز کمپنی نے یہ بھی ظاہر کیا کہ وہ "ازہر شریف کی سالانہ قرآن حفظ مقابلہ" کی سرگرمیوں کی کوریج کے لیے تیار ہے، تاکہ قرآن کے حفاظ کی اہمیت، اس قدیم مقابلہ کی تاریخ، اور اس کے فروغ کو بہترین انداز میں پیش کیا جا سکے، اور نوجوان نسل کو قرآن حفظ کرنے کی ترغیب دی جا سکے، تاکہ اس میں موجود اخلاقی و انسانی اقدار اور عظیم دینی تعلیمات سے فائدہ اٹھا سکیں۔

"ملاقات کے دوران، متحدہ کمپنی اور مجمع البحوث الاسلامیہ کے درمیان ایک مشترکہ تعاون کے پروٹوکول پر اتفاق ہوا؛ جس کے تحت ازہر شریف کی طرف سے قرآن مجید کا ایک مصدقہ نسخہ عربی اور انگریزی زبان میں تیار کیا جائے کا؛ تاکہ اسے الیکٹرانک ایپلیکیشن 'مصر قرآن کریم' میں استعمال کیا جا سکے، اور زیادہ سے زیادہ ناظرین، خاص طور پر مصر کے اندر اور باہر کے نوجوانوں تک پہنچا جا سکے، نیز اسے ایپلیکیشن کے لیے سرکاری نسخہ کے طور پر منظور کیا جائے گا۔"

"ساتھ ہی اس بات پر بھی اتفاق ہوا کہ 'مصحف مرتل برائے طلبہ ازہر شریف' کا استعمال کیا جائے گا، جسے ازہر کے مدارس کے شعبہ قرآن کریم کی جنرل ڈائریکٹری نے تیار کیا ہے، اور جس میں 30 نابغہ ازہری طلبہ کی آوازیں شامل ہیں۔ یہ مصحف ایک منفرد اور بے مثال اقدام ہے؛ کیونکہ یہ اپنے نوع کا پہلا طلبہ کا مصحف ہے جسے ازہر کی قرآن مجید کی تصحیح کمیٹی سے منظوری حاصل ہے۔ کمپنی اسے ٹیلیویژن پر 'مصر قرآن کریم' چینل اور اس کی الیکٹرانک ایپلیکیشن پر پیش کرنے کے لیے تیار کر رہی ہے، تاکہ مصحف طلبہ ازہر شریف مصر کی تلاوت کے اسکول کی روایت کو آگے بڑھائے، جو ہمیشہ سے دنیا بھر میں تلاوت کی آواز کا مستند حوالہ رہا ہے؛ اور اس طرح ازہری پیغام کی عظمت اور قرآن کریم کے مشعل کو تھامنے والی نسلوں کی تربیت میں اس کے کردار کو اجاگر کیا جا سکے، جو اس قدیم ورثے کو آگے بڑھاتے رہیں۔