امام الاکبر پروفیسر احمد الطیب نے سائنسدانوں اور محققین کا کورونا ویکسین کو دنیا کے سامنے پیش کرنے کی کوششوں پر شکریہ ادا کیا، اور پیداواری کمپنیوں سے مطالبہ کیا کہ وہ ویکسین کی تقسیم کے لیے منصفانہ پالیسی اپنائیں؛  تاکہ غریبوں اور ضرورت مندوں کو ترجیحی فہرست میں سب سے اوپر رکھا جائے۔ شیخ الازہر نے سماجی رابطوں کی ویب سائٹس، فیس بک اور ٹویٹر پر ایک پوسٹ لکھی، جس میں انہوں نے کہا کہ "سائنسدانوں اور محققین کی جانب سے کورونا ویکسین کو دنیا کے سامنے پیش کرنے کے لیے جو کوششیں کی گئی ہیں، وہ دنیا کے سامنے ایک فراخدلی اور قابل تحسین تحفہ ہے۔ یہ لوگ ہیرو ہیں جنہیں اللہ نے ایک وبائی بیماری سے انسانی زندگی کے تحفظ کے لیے نامزد کیا ہے کہ جس نے دس لاکھ سے زیادہ لوگوں کی جانیں لی ہیں، اور اب بھی دنیا کو خطرہ ہے۔ امام الاکبر نے غریبوں اور پناہ گزینوں کو بھی مدنظر رکھنے کا مطالبہ کرتے ہوئے کہا، "غریبوں اور پناہ گزینوں کو یہ ویکسین حاصل کرنے کے حق میں نظرانداز نہیں کیا جانا چاہیے، اور یہ ویکسین تیار کرنے والی کمپنیاں ویکسین کی تقسیم کے لیے منصفانہ پالیسی اپنائیں، جس کی بنیاد پر اپنے مشن اور انسانی ضمیر پر، تجارتی اور مادی کھاتوں کے بازاروں سے دور رہیں"۔ امام الاکبر کی پوسٹ نے میڈیا کی ان خبروں کے بعد انکشاف کیا کہ متعدد ویکسین سامنے آئیں ہیں جو کورونا وائرس کے خاتمے میں 90 فیصد سے تجاوز کر گئیں اور دیگر ذرائع ابلاغ کی رپورٹوں میں بتایا گیا کہ امیر ممالک نے تیز نگرانی کرنا شروع کر دی تاکہ ویکسین کی پیداوار کا سب سے بڑا تناسب بک کیا جا سکے جس کا عالمی سطح پر طویل عرصے سے انتظار کیا جا رہا تھا۔