شیخ الازہر نے مسلمانوں سے کہا ہے کہ وہ ان مبارک ایام میں اپنے فلسطینی بھائیوں کے لیے دعا کریں۔

امام اکبر پروفیسر ڈاکٹر احمد طیب شیخ الازہر شریف  نے صدرِ جمہوریہ عبدالفتاح سیسی، عرب و اسلامی دنیا کے سربراہان، اور تمام مسلم و عرب اقوام کو ماہِ رمضان کی آمد پر دلی مبارکباد اور نیک تمنائیں پیش کی ہیں، اور دعا کی کہ اللہ تعالیٰ یہ مقدس مہینہ ہم سب پر خیر، برکت، ترقی اور استحکام کے ساتھ لوٹائے۔

شیخ الازہر نے دنیا بھر کے مسلمانوں سے اپیل کی ہے کہ وہ اتحاد و اتفاق کو مضبوط کریں، اسلامی اخوت کے رشتے کو مزید پختہ کریں، اور ان بابرکت ایام میں اپنے فلسطینی بھائیوں کو ہرگز نہ بھولیں۔ انہوں نے تاکید کی کہ مسلمان اپنے قیام، تہجد، اور دعا کے لمحات میں فلسطینی عوام کے لیے دعا کریں کہ اللہ ان کے دشمنوں پر فتح دے، انہیں ان کے گھروں، زمینوں، اور خاندانوں سمیت ثابت قدم رکھے، اور انہیں ان ظالمانہ منصوبوں سے محفوظ رکھے جن کا مقصد انہیں ان کی سرزمین سے بے دخل کرنا ہے۔ اور ہر سال آپ خیر و عافیت سے ہوں۔